2020 жылғы Токио Олимпиадасының эмблемасы таңдалды

АСТАНА. ҚазАқпарат - Жұма күні Токиода 2020 жылғы Олимпиада және Паралимпиада ойындарының эмблемасы таныстырылды, деп хабарланды Халықаралық паралимпиада комитетінің сайтында.

Олимпиада эмблемасы ретінде "Т" әрпі, ал Паралимпиада эмблемасы ретінде - тік тұрғызылған тең (=) белгісі таныстырылды.

Екі эмблемада да бірыңғай әлем символы ретінде ойластырылған шеңбер бар, ал оның қызыл түсі әр адамның соққан жүрегін білдіреді.

Эмблемалардағы қара жолақ барлық түстердің жиынтығын білдіреді.

NHK телекомпаниясы хабарлағандай, таңдалған "Т" үш сөздің бірінші әріптері- Tokyo ("Токио"), Team ("команда") және Tomorrow ("ертең"). "Т" әрпінің астында дәстүрлі бес сақина орналасқан.