270.00 нысанды декларацияны eGov.kz және eGov Mobile арқылы онлайн тапсыруға болады

АСТАНА.KAZINFORM - Жалпыға бірдей декларациялаудың екінші кезеңіне жататын қазақстандықтар 270.00-нысан бойынша кірістер мен мүлік туралы декларацияны 15 қыркүйекке дейін тапсыруы тиіс.

«Ұлттық ақпараттық технологиялар» АҚ баспасөз қызметінің хабарлауынша, мұны eGov.kz порталы және eGov Mobile қосымшасы арқылы онлайн режимде жасауға болады.

Декларацияны мемлекеттік қызметшілер, бюджеттік ұйымдар мен квазимемлекеттік сектордың қызметкерлері, сондай-ақ олардың жұбайлары тапсыруға міндетті. Есептілік активтер мен міндеттемелер туралы «кіріс» декларациясы (250.00-нысан) тапсырылғаннан кейін ұсынылады.

270.00 нысаны кіріс туралы ақпаратты, сондай-ақ шетелдегі мүлік: жылжымайтын мүлік, көліктер, бағалы қағаздар, цифрлық активтер, инвестициялық алтын және шетелдік компаниялардағы үлестер туралы мәліметтерді қамтиды. Сондай-ақ, сыбайлас жемқорлыққа қарсы заңнама шеңберінде ірі сатып алулар мен шығынстарды жабу көздері туралы мәліметтер көрсетіледі.

Қызметті eGov.kz порталында пайдалану үшін пайдаланушыға:

порталға авторизацияланып, «Азаматтарға» - «Кеден және салықтар» - «Салық салу» бөліміне өту қажет;

«Жеке тұлғаның кірістері мен мүлкі туралы декларацияны қабылдау (270.00- нысан)» қызметін таңдаңыз және қажетті деректерді толтырыңыз.

мемлекеттік кіріс органын көрсетіңіз.

қолжетімді қол қою әдістерінің бірі арқылы қызметке қол қойыңыз;

«Қызметтерді алу тарихы» бөлімінен өзіңіздің жеке кабинетіңіздегі өңдеу мәртебесін қарап тексеріңіз.

Қызметті eGov Mobile мобильді қосымшасында пайдалану үшін пайдаланушы:

eGov мобильді қосымшасына авторизациялауды жасап, «Қызметтер» бөлімінде «Салық және қаржы» бөліміне өтуі қажет;

«Жеке тұлғаның кірістері мен мүлкі туралы декларацияны қабылдау (270.00-нысан)» қызметін таңдап, қажетті деректер нысанын толтырыңыз;

мемлекеттік кіріс органын көрсетіңіз;

қолжетімді қол қою әдістерінің бірі арқылы қызметке қол қойыңыз;

«Қызметтерді алу тарихы» бөліміндегі жеке кабинетіңіздегі өңдеу мәртебесін тексеріңіз.

Сондай-ақ, декларацияны kgd.gov.kz порталында және eSalyq Аzamat мобильді қосымшасында «Салық төлеуші кабинеті» арқылы тапсыруға болады.

- Көрсетілетін қызмет Қазақстан Республикасының Цифрлық даму, инновациялар және аэроғарыш өнеркәсібі министрлігі Мемлекеттік қызметтер комитетінің, «Ұлттық ақпараттық технологиялар» АҚ және ҚР Қаржы министрлігінің бірлескен жұмысының арқасында іске асырылды, - делінген хабарламада.

Осыған дейін Салық Кодексінің жаңа нұсқасы туралы пікір білдірген министрлік өкілі 8 млн адамның декларация тапсырмайтынын айтқан болатын.