30 наурыз күні республиканың басым бөлігінде тұрақсыз ауа райы сақталады - Қазгидромет
АСТАНА. ҚазАқпарат - Қазақстан территориясының басым бөлігінде атмосфералық фронтальды бөліктердің өтуіне байланысты оңтүстік-шығыс, шығыс және орталық жерлерінде тұрақсыз ауа райы сақталады, жауын-шашын күтіліп, кей жерлерде қатты жауын-шашын жауады. Кей жерлерде бұрқасын, көктайғақ, тұман, желдің күшейуі күтіледі. Бұл туралы Қазгидометке сілтеме жасап, ҚР ІІМ Төтенше жағдайлар комитеті хабарлады.
Алматы облысында кей жерлерінде қатты жауын-шашын, көктайғақ, жел 17-22, екпіні 25 м/с күтіледі. Жамбыл облысының кей жерлерінде тұман, көктайғақ, жел 18-23, екпіні 30 м/с жоғары болады. Оңтүстік Қазақстан облысының кей жерлерінде тұман, көктайғақ, жел 15-20 м/с күтіледі. Қызылорда, Қостанай облыстарының кей жерлерінде тұман болады. Маңғыстау облысының кей жерлерінде жел шаңды дауылмен 17-22, кей жерлерінде екпіні 28 м/с күтіледі. Батыс Қазақстан облысының кей жерлерінде тұман , күндіз кей жерлерінде жел 15-20 м/с соғады. Павлодар облысының кей жерлерінде тұман болып, жел 15-20 м/с күшейеді. Қарағанды облысының кей жерлерінде бұрқасынмен жел 15-20 м/с күшейеді. Шығыс Қазақстан облысының кей жерлерінде жел 15-20 м/с соғып, жолдарда көктайғақ болады.
