33 млн адам қол қойды: «Реал» жанкүйерлері Мбаппені командадан шығару үшін петиция жариялады
АСТАНА. KAZINFORM — Килиан Мбаппені Реал Мадридтен шығаруды талап еткен петиция 33 миллион қол жинады, деп хабарлайды Al Jazeera.
Жанжал шабуылшы жамбас жарақатынан айығуы керек болған кезде, испандық актриса Эстер Экспозитомен бірге Сардиниядағы яхтада суретке түскеннен кейін туды.
Жанкүйерлер мұны клубқа құрметсіздік ретінде қабылдады. Себебі Мбаппенің қазіргі жарақаты жексенбі күні «Барселонаға» қарсы Эль-Класикода ойнауға кедергі келтіруі мүмкін. Сын күшейгеннен кейін Экспосито Instagram-дағы пікір жазу мүмкіндігін өшірді, алайда оқырмандар оның бұрынғы жазбаларына назар аудара бастады.
«Mbappe Out» атты петиция бастапқыда 200 000 қол жинауды мақсат еткен, бірақ бірнеше күн ішінде бұл көрсеткішті 165 есеге артты. Көрсеткіштің шынайылығын тексеру мүмкін емес, себебі сайт электрондық пошта немесе жеке деректерді талап етпейді.
Айта кетерлігі, қол қою саны Франция халқының жартысына жуық және алдағы әлем чемпионатына қатысатын көптеген елдердің халқы санынан да көп.
Дегенмен, бұл петиция нақты салдарға әкелмейді. Мбаппе «Реал Мадрид» клубымен 2029 жылға дейін келісімшартқа отырған және қазір командамен бірге жаттығып жатыр. Бас бапкер Альваро Арбелоа ойыншыны қорғап, жарақатты емдеу медициналық штаб бақылауында екенін, ал бос уақытта ойыншы өз қалауынша әрекет ете алатынын айтты.
2026 жылғы әлем чемпионатына дейін Мбаппе толық сауығуы керек. Франция құрамасы турнирді Сенегалға қарсы матчпен бастайды, одан кейін Ирак және Норвегиямен ойнайды. Сондай-ақ олар Кот-д’Ивуар және Солтүстік Ирландияға қарсы жолдастық кездесулер өткізеді.
Айта кетейік, Килиан Мбаппе бұған дейін ПСЖ-мен соттасып, нәтижесінде жеңіске жетті. Еңбек сотының шешіміне сәйкес, футбол клубы тез арада бұрынғы ойыншысына 61 миллион еуро төлеуі керек болатын.
