4 наурыз күні елордада өтетін маңызды шаралар аңдатпасы

АСТАНА. ҚазАқпарат – «ҚазАқпарат» халықаралық ақпарат агенттігі 4 наурыз күні Астанада өтетін мәдени және қоғамдық маңызды шаралар аңдатпасын ұсынады.

9.00-де Ұлттық ғылыми онкология орталығының клиникалық-диагностикалық орталығында жатыр мойны обыры мен ісікке дейінгі ауруларды ерте анықтау бойынша Ашық есік күні өтеді.

10.30-да ҚР Президент жанындағы Әйелдер істері және отбасылық-демографиялық саясат жөніндегі ұлттық комиссиясы мен «Bolashaq» Қауымдастығы, М.С. Нәрікбаев атындағы КАЗГЮУ Университеті және «Techno Women» ҚБ бірлесіп «Bolashaq women forum III» атты әйелдер форумын өткізеді.

12.00-де Астана қаласының Достық үйінде «Әбилар, алга-2023!» өңіраралық байқауы өтеді. Бұл шара «Таң» татар-башқұрт мәдени орталығы» ҚБ ұйымдастыруымен, Астана қаласы Қазақстан халқы Ассамблеясының, Астана қаласындағы «Каюм Насыри институты» ғылыми-білім беру орталығының және Қазақстандағы Татарстан Республикасының өкілетті өкілдігінің қолдауымен өтеді.

18.00-де М. Горький атындағы мемлекеттік академиялық орыс драма театрында «Человек-подушка» қойылымы көрсетіледі.

19.00-де Астана қаласы филармониясының концерт залында «Анаға сәлем» концерті өтеді.

19.00-де Астана Балет театрында «Махаббат туралы аңыз» балеті көрсетіледі.