47,3 млн. теңге бюджет қаржысын қымқырған ЖШС директорының үстінен қылмыстық іс қозғалды
ОРАЛ. Маусымның 1-і. ҚазАқпарат /Ғайсағали Ералы/ - БҚО бойынша экономикалық қылмысқа және сыбайлас жемқорлыққа қарсы күрес департаменті ҚР ҚК 176-бабы 3-бөлімі «б» тармағына сәйкес ЖШС директоры Б-ның үстінен қылмыстық іс қозғады.
Департаменттің баспасөз қызметінен ҚазАқпарат тілшісіне хабарлағанындай, аталған директор облыстағы автожол учаскесін күрделі жөндеу кезінде 47,3 млн. теңге бюджет қаржысын қымқырған.
Департамент сондай-ақ алаяқтығы үшін ҚР ҚК 177-бабы 3-бөлімі «б» тармағына сәйкес ПИК төрағасының үстінен қылмыстық іс көтерді. Бұл төраға жатақханадан бөлме бергені үшін А. деген азаматтың 1 млн. теңгесін алдап алған.
