5 миллион теңгеден аса борышы бар алименттен жалтарған Шахтинск тұрғыны әкімшілік қамауға алынды

АСТАНА. KAZINFORM – Шахтинск қаласы прокурорының қаулысының негізінде сот қаскөй борышкерді алимент төлемегені үшін әкімшілік қамауға алды. Бұл туралы Қарағанды облысының прокуратурасы мәлім етті. 

«Прокурорлар кәмелетке толмаған баланың әкесі тұрақты табысы бола тұра, ұзақ уақыт бойы алимент төлеуден жалтарғанын анықтады. Қазіргі уақытта оның қарызы 5 миллион теңгеден асады. Сот орындаушысы борышкерді хабардар ету, шоттары мен мүлкіне тыйым салу, сондай-ақ өз міндеттемелерін орындамағаны үшін жауапкершілікті түсіндіру бойынша барлық қажетті шараларды қабылдады», - делінген хабарламада.

Сот актісі орындалды, борышкер қамауға алудың белгіленген мерзімін өтеп жатыр. Борышкерлерді жауапкершілікке тарту жұмыстары жалғасады.