7-8 маусымда еліміздің астық егетін облыстарында температураның төмендеуі болжануда - Қазгидромет

АСТАНА. ҚазАқпарат - 7-8 маусымда еліміздің астық егетін облыстарында температураның төмендеуі болжануда. Бұл туралы бүгін Астанада өткен баспасөз мәслихатында «Қазгидромет» РМК гидрометеорталығының директоры Баян Сазанова мәлім етті.

«Биылғы көктем салқындау болды және жауын-шашын мол түсті. Барша астық егетін өңірлерде жауын-шашын 3-4 айлық нормада жауды. Егер де Ақмола облысына тоқталатын болсақ, бұл өңірде 34-тен 113 миллиметрге дейін түсті, бұл көрсеткіш нормадан 3,5 есеге жоғары. Жақын күндері жаңбырлы ауа-райы сақталады, алайда күндізгі температура жоғары болады. Маусымның басына қарай астық егетін өңірлерде 25-30, кей жерлерде 33 градус ыстық болады»,-деді Б. Сазанова.

Оның айтуынша, 3 маусымнан бастап кезекті жауын-шашынды күндер болжануда, ал 7-8 маусымда температура төмендеуі ықтимал.

Жалпы, биылғы жазда өсімдік шаруашылығы үшін тұрақсыз және қолайсыз табиғи жағдай болуы ықтимал.