8 мамырда елімізде ауа райы құбылмалы болады
АСТАНА. ҚазАқпарат - 8 мамырда атмосфералық ағындардың өтуіне байланысты Қазақстанның басым бөлігінде құбылмалы ауа райы сақталады, кей жерлерде найзағайлы жаңбыр жауады, жел күшейеді, шығыста түнгі және таңғы кездері тұман түседі, деп хабарлайды Қазгидромет.
Солтүстік Қазақстан облысында түнде жел 15-20 м/с күшейеді, кей жерлерінде желдің екпіні 23-28 м/с болып, кей жерлерінде найзағай, күндіз кей жерлерінде желдің жылдамдығы 15-20 м/с-ге жетеді.
Оңтүстік Қазақстан облысында найзағай болғанда жел 15-20 м/с-ге дейін күшейеді.
Қостанай, Қарағанды, күндіз Маңғыстау облыстарының кей жерлерінде найзағайлы жауын күтіледі, жел 15-20 м/с күшейеді.
Ақмола, Павлодар облыстарының кей жерлерінде жел 15-20м/с күшейді.
Түнде Жамбыл, күндіз Алматы, Қызылорда, Атырау облыстарының кей жерлерінде найзағайлы жауын күтіледі.
Түнде және таңертең Шығыс Қазақстан облысының кей жерлерінде тұмантүсуі ықтимал.
