8 наурыз құрметіне әйелдерге 100 доллардан сыйақы беріледі
АСТАНА. ҚазАқпарат - Душанбе басшылығы 8 наурызда көше жинайтын әйелдерге сыйлық ретінде 100 доллардан беретін болды. Бұл туралы Тәжік телеграф агенттігіне қала төрағасының баспасөз хатшысы Шавкат Саидов хабарлады, деп жазады «Айқын» газеті.
Басылымның мәліметінше, Душанбе қаласы басшылығының шешіміне орай дәстүр бойынша 8 Наурыз - Ана күні қарсаңында қаладағы жол-пайдалану басқармасының көше сыпырушы әйелдеріне 500 сомони мөлшерінде (шамамен $100) сыйақы берілетін болды.
Жалпы алғанда, көше тазалау жұмыстарына қатысатын 2 мың 131 әйелге осындай көлемде сыйақы беріледі.
