А.Есімов Алматыдағы жәрмеңкелер маусымын ашты
АЛМАТЫ. 30 сәуір. ҚазАқпарат - Кеше Алматының «Астана» алаңында Алматы облысы ауылшаруашылық тауар өндірушілерінің жәрмеңкесі ашылды, оған қала әкімі Ахметжан Есімов қатысты.
Жәрмеңкеге Талдықорған, Қапшағай, Текелі қалалары мен Алматы облысының 16 ауданы, сондай-ақ «Жетісу», «Алматы» әлеуметтік кәсіпкерлік корпорациялары қатысты.
Шаһар басшысының айтуынша, онда 60-тан астам ауылшаруашылық өнімі базардағыдан 15-20 пайызға төмен бағамен сатылды. Жәрмеңкеге өндірушілер жалпы құны 83 миллион теңге болатын - 60 тонна картоп, 45 тонна ет, 12 тонна күріш, 11 тонна сүт, 9 тонна балық өнімдерін, 8 тонна көкөніс, 7 тонна ұн, 5 тонна шұжық өнімдерін әкелді. Алдағы уақытта дәстүрлі шара жалғасын табатын болды.
