А.Винокуров велосипедін 243 мың долларға сатып жіберді

Бұл туралы Vesti.kz шабандоздың баспасөз қызметіне сілтеме жасап хабарлады.

Бұған дейін уәде еткендей, 16 қыркүйек күні Винокуров өзінің туған күнінде олимпиадалық велосипедін 50 мың доллар бастапқы бағамен аукционға қойды. Нәтижесінде Specialized маркалы велосипедті Tak Group компаниясы бастапқы бағадан 5 есеге дерлік қымбат - 243 мың долларға сатып алды.

Басқа лотпен А.Винокуровтың Лондон Ойындарында өнер көрсеткен киімі 10 мың долларға сатылды. Онымен бірге, «Астана» командасы киімінің бір жинағы 2500 долларға берілді.

Түскен барлық қаражаттар қайырымдылық мақсатта аударылатын  болады. Алдын ала ақпарат бойынша, олар ауыр патологиялары бар 5 баланың еміне жұмсалады.

Еске салайық, А.Винокуров Лондон Олимпиадасының бірінші күнінде Қазақстан қоржынына алғашқы «алтынды» салды.