Абайтанушы-ғалымның тағдыры туралы жаңа кітап жарық көрді ? Семей
СЕМЕЙ. Қаңтардың 23-і. ҚазАқпарат /Лина Славина/ - Қазақтың белгілі абайтанушы-ғалымы, жазушы, ақын Қайым Мұхамедханов туралы жарыққа шыққан кітап «Тағдыр және Қарлаг» деп аталады. Көрнекті қаламгер туралы басылымды шығаруға Фридрих Эберт қоры демеушілік жасады,
деп хабарлайды ҚазАқпарат тілшісі. Алматыда басылған жаңа кітап кеңестік тарихтың нәубетті кезеңі ? сталиндік қуғын-сүргін туралы баяндайды. Мұхтар Әуезовтің талантты шәкірті, абайтанушы Қайым Мұхамедханов Шәкәрім шығармашылығын зерттегені үшін атақты «58-ші бап» бойынша Алматы түрмесінде отырған, одан кейін Қарлагқа жөнелтілген. Ғалым және жазушы «халықтар көсемі» - Сталин қайтыс болғаннан кейін ғана бостандыққа шықты. »Тағдыр және Қарлаг» кітабында өткен ғасырдың 50-ші жылдарындағы сирек құжаттар орын алған, онда Абай мен Шәкәрім мұраларын сақтап қалуға тырысқан шығармашылық зиялы қауымның басынан өткен қиыншылықтар туралы айтылады.
