Абхазия парламентіндегі атыс: бір депутат қаза тапты, екіншісі жараланды

АСТАНА.KAZINFORM - Абхазия парламентіндегі жабық отырыс кезінде атыс болды, деп жазады ТАСС.

Абхазия бас прокуратурасының алдын ала мәліметі бойынша, депутат Адгур Харазия оқ атқан.

Абхазия бас прокурорының орынбасары Руслан Тыркба журналистерге Абхазияның құқық қорғау органдары оқ атқан адамды тауып, ұстауға бағытталған жедел іздестіру шараларын жүргізіп жатқанын айтты.

Ол экономикалық саясат комитетінің отырысы кезінде парламент ғимаратында атыс болғанын түсіндірді.

- Комитет отырысында депутаттар арасында жанжал шығып, кейін атыс болды. Атыс салдарынан жараланған екі депутат ауруханаға жеткізілді. Вахтанг Голандзия жарақаттан қайтыс болды, екіншісі Кан Кварчий жағдайын тұрақтандыру үшін көмек алуда, - деді Тыркба.