Адам өмірін ұзартатын әдіс табылды

АСТАНА. ҚазАқпарат - Америкалық ғалымдар тамақтың құнарлылық шектеуі мен адам өмірінің генетикалық өзін-өзі реттеуі арасындағы байланысты анықтады. Бұл зерттеу жұмысы Nature Communications-та жарық көрді, деп хабарлайды Лента.ру.

Мамандар атап өткендей, әртүрлі жастағы эпигенетикалық өзгерістердің жылдамдығы оның өмір сүру ұзақтығымен тікелей байланысты. Сол таксонның орташа статистикалық өкілі неғұрлым ұзақ өмір сүрсе, бұл өзгеріс соғұрлым баяу жүреді.

Сондай-ақ, ғалымдар аштық пен күнделікті тамақтағы құнарлылықты шектеу  эпигенетикалық өзгерістерді баяулатып, сәйкесінше адам өмірінің ұзақтығын арттыратындығын дәлелдеді.