«Әділет органдары кеңес береді» шарасы аясында жазасын өтеушілерге кеңес берілді

АСТАНА. ҚазАқпарат - «Әділет кеңес береді» республикалық үш күндік акциясының екінші күні бастауын Астана қаласы маңындағы ЕЦ-166/22 мемлекеттік мекемесінде сотталғандарға қаланың тәжірибелі заңгерлерімен тегін заңгерлік кеңес беру кездесуінен бастау алды, деп хабарлайды Астана қаласы Әділет департаментінің баспасөз қызметінен.

Астана қаласы тұрғындарына тегін заңгерлік көмек көрсету мақсатында департаменттің жауапты қызметкерлерінен, мемлекеттік органдардың заңгерлерінен, қалалық Нотариаттық палата және адвокаттар алқасының өкілдерінен тұратын ақпараттық-насихаттық топ құрылды.

Акция барысында ақпараттық-насихаттық топ және Астана қаласы бойынша Қылмыстық атқару жүйесі департаментінің өкілдері Астана қаласының ЕЦ-166/22 мемлекеттік мекемесінде болды. Кездесуге қатысушылар өздерінің кассациялық шағым, сот шешіміне қайта шағымдану, жеке мүлікті заңдастыру және басқа да мәселелері бойынша сауалдарын қойып, ақпарттық-насихаттық топ тарапынан сәйкесінше жауаптарын алды.

Кездесу соңында қатысушылар аталмыш шараға қолдау білдіріп, халық арасында осындай заңгерлік көмек және құқықтық түсіндіру жұмыстарын жүргізіп жүргендерге алғыстарын білдірді.