АЭФ қорытындысында сомасы 2,7 млрд. долларды құрайтын 80-ге жуық келісім мен меморандумға қол қойылды - С.Нөгербеков

АСТАНА. 24 мамыр. ҚазАқпарат - VI Астана экономикалық форумының қорытындысында жалпы сомасы 2,7 млрд. долларды құрайтын 80-ге жуық келісім мен меморандумға қол қойылды. Бұл туралы елордада АЭФ пен Бүкіләлемдік дағдарысқа қарсы конференцияның қорытындысына арналған баспасөз мәслихатында ҚР Парламенті Сенатының депутаты Серік Нөгербеков мәлім етті.

«Астана экономикалық форумының қорытындысы бойынша сомасы 2,7 млрд. долларды құрайтын шамамен 80 келісім мен меморандумға қол қойылды. Тікелей инновациялық технологиялар тартылды. Нобель сыйлығының лауреаттары, сарапшылар универсиеттерде дәріс оқыды», - деді С.Нөгербеков.