Африкалық бойжеткен Оралда интим-қызмет көрсетіп келген
Батыс Қазақстан облысында африкалық бойжеткен жыныстық қызмет көрсетіп келген. ҚазАқпарат бұл туралы Рolisia.kz-ке сілтеме жасап хабарлайды.
БҚО Полиция департаменті ұйымдасқан қылмысқа қарсы күрес басқармасының қызметкерлері “STOP-Трафик“ жедел-профилактикалық іс-шарасын өткізген. Оның барысында 14 қыркүйек күні өзінің жалдама пәтерінде жыныстық қызмет көрсету үшін притон ұйымдастырған Орал қаласының 33 жастағы тұрғыны анықталды. Ол клиенттерге Батыс Африканың Сьерра-Леоне Республикасының тумасы – 24 жастағы бойжеткенді эротикалық боди-массаж түріндегі жыныстық қызмет көрсету үшін ұсынып келген. Сол үшін ақша алып отырған.
ҚР Қылмыстық кодексінің 309-бабы 1-бөлігі бойынша сотқа дейінгі тергеп-тексеру жұмыстары басталды, - делінген полиция мәліметінде.