Ағымдағы аптада Мұнай және газ министрлігі мұнайшыларды мерекелік салтанатты жиында құттықтайды
АСТАНА. 26 тамыз. ҚазАқпарат - Осы аптада елімізде Мұнайшылар күні атап өтіледі. Бұл туралы бүгін Астанадағы дәстүрлі брифингте ҚР Президенті жанындағы Орталық коммуникациялар қызметінің ресми өкілі Алтай Әбибуллаев мәлім етті.
«29 тамызда еліміз Мұнайшылар күнін атап өтетінін білесіздер. Осы ретте бұл күні Мұнай және газ министрі Ұзақбай Қарабалин, «ҚазМұнай Газ» компаниясының басқарма төрағасы Сауат Мыңбаевтың қатысуымен Қазақстанның мұнай-газ кешені қызметкерлерінің салтанатты жиыны өтеді»,-деді ресми өкіл.
