Әкесін өлтіргені үшін он жылға сотталды

ОРАЛ. ҚазАқпарат - БҚО қылмыстық істер жөніндегі мамандандырылған ауданаралық сотының үкімімен Семен Щелоков ҚР ҚК 99-бабы 1-бөлімімен айыпты деп танылып, 10 жыл бас бостандығынан айыру жазасын қатаң тәртіптегі түзету колониясында өтеуге сотталды.

БҚО сотының баспасөз қызметінен түскен мәліметке қарағанда, бұған қоса ол маскүнемдіктен мәжбүрлі түрде емделетін болады.

Іс материалдарына қарағанда, С.Щелоков бірге арақ ішу кезінде мас күйінде әкесімен сөзге келіп, оны өлтіруге ниеттеніп, үстел үстінен пышақты алып, кеуде тұсынан соққы жасаған. Әкесі сол жерде құлап, көз жұмған.