Ақмола облысы тұрғындарының 98,1 пайызы санақ сауалдарына жауап берді

КӨКШЕТАУ. Наурыздың 6-сы. ҚазАқпарат /Жанмұрат Жанайдаров/ - Ақмола облысы бойынша Ұлттық халық санағы штабының мәліметіне сәйкес өңірде алдын ала есепке алынған 728 мың 729 тұрғынның 98,1 пайызы санақ сауалдарымен қамтылды,

деп хабарлайды ҚазАқпарат тілшісі. Таңертеңгі мәліметтер бойынша 9 ауданда санақ құжаттарын толтыру аяқталып, іріктеп тексеру шаралары жүзеге асырыла бастаған. Ал 8 ауданда тұрғындардың - 94-99, Степногор қаласында - 89,8, Жақсы ауданында 86,8 пайызы санаққа қатысты. Қолда бар мәліметтер бойынша аймақта уақытша тұрып жатқан 3 мың 473 адам есепке алынған. Тек Қорғалжын ауданында мұндай бірде бір адам анықталмады. Санақ сауалдарымен қамтылғандардың 371 мың 321-і - әйелдер, ерлер тек Ерейментау ауданында 17 адамға артық. Қазіргі кезде белігі болып отырғанындай, өңірде есепке алынғандардың 329 мың 361-і - жергілікті ұлт өкілдері.