Ақмола облысында 2009 жылдың қаңтар-қараша айларында 5 077 миллион теңгенің байланыс қызметі көрсетілді
КӨКШЕТАУ. Желтоқсанның 21-і. ҚазАқпарат /Жанмұрат Жанайдаров/ - Ақмола облысында ағымдағы жылдың қаңтар-қараша айларында 5 077 миллион теңгенің байланыс қызметі көрсетілген, өсім өткен жылдың сәйкес мерзімімен салыстырғанда 5,2 пайызды құрайды,
деп хабарлайды ҚазАқпарат тілшісі облыстық статистика басқармасының деректеріне сілтеме жасап.
Осы уақыт аралығында тұрғындарға көрсетілген байланыс қызметі былтырғы жылға қарағанда 6,8 пайызға өсіп, 3 373 миллион теңгеге жеткен. Жылдық табыстың құрылымында 33,6 пайызы қалааралық, 23,6 пайызы-жергілікті, 12,8 халықаралық телефон байланысына, 5 пайызы телеарналар мен радио хабарларын таратудан, 15,6 пайызы ғаламтор байланысынан түсіп отыр. Ал 4,8 пайызы пошта және курьерлік қызмет түрлеріне қатысты.
