Ақмола облысында екі трассада жол бөліктері жабылды
АСТАНА. ҚазАқпарат – Ақмола облысындағы екі трассада қоғамдық және дизельмен жүретін көлік құралдары үшін жол жабылды, деп хабарлайды ҚазАқпарат Республикалық маңызы бар автомобиль жолдарының ұлттық операторына сілтеме жасап.
«Сағат 21.00-ден бастап ауа-райының нашарлауына байланысты Ақмола облысында қоғамдық және дизельді көлік құралдары үшін «Екатеринбург-Алматы» (Астана қаласынан Анар станциясына дейін) және «Астана-Петропавл» (Астана қаласынан Көкшетау қаласына дейін) трассаларының учаскелері жабылды»,-делінген хабарламада.
