Ақмола облысында ірі 3 бордақылау алаңы ашылады
АСТАНА. 13 қыркүйек. ҚазАқпарат -Жыл соңына дейін Ақмола облысында 11 мың бас ірі қараға арналған 3 ірі бордақылау алаңы ашылады. Бұл туралы бүгін ҚР Президенті жанындағы Орталық коммуникациялар қызметінде өткен баспасөз мәслихатында Ақмола облысының әкімі Қосман Айтмұхаметов мәлімдеді.
Бұдан бөлек, облыс басшысының сөзіне қарағанда, өңірде алдағы уақытта 9 тауарлы сүт фермасы ашылады. «Ал жыл соңына дейін, облыс аумағында 2 ет өнімі бағытындағы шаруашылық пен бір тауарлы сүт фермасын қосу жоспарда бар. Жалпы, өңірімізде 500 басқа дейін мал бордақылауға мүмкіндік беретін14 мал шаруашылығы алаңы, 16 асыл тұқымды мал шаруашылығы бар», - дейді облыс әкімі Қ. Айтмұхаметов.
