Ақмола облысында өткен жылы 5 миллиард теңгенің байланыс қызметі көрсетілген
КӨКШЕТАУ. Қаңтардың 21-і. ҚазАқпарат /Жанмұрат Жанайдаров/ - Ақмола облысында 2008 жылдың қаңтар-желтоқсан айында бес миллиард 13 миллион теңгенің байланыс қызметі көрсетілген, бұл бұрнағы жылмен салыстырғанда 11.8 пайызға артық,
деп хабарлайды ҚазАқпарат тілшісі облыстық статистика басқармасының деректеріне сілтеме жасап.
Жыл ішіндегі көрсетілген байланыс қызметінің 3 миллиард 195 миллион теңгесі тұрғындар үлесіне тиесілі, ол 2007 жылмен салыстырғанда 11.6 пайызға өскен. Осы уақытта түскен табыстар құрылымында қалааралық байланыс - 39,2 пайыз, жергілікті телефон - 20,4 пайыз, халықаралық - 14,8 пайыз, радиотелеарналардың хабарларын тарату - 6,1 пайыз, интернет -10 пайыз, пошта 5,4 пайызды құрады. Табыстың жалпы көлемінің 63,7 пайызы халыққа көрсетілген байланыс қызметінің еншісінде.
