Ақмола облысында жол апатынан 79 жастағы ер адам мерт болды

КӨКШЕТАУ. ҚазАқпарат - Ақмола облысы аумағында «Көкшетау-Омбы» тас жолының бойында жол-көлік оқиғасы орын алып, 79 жастағы жүргізуші мерт болды.

Бұл туралы аймақтық ТЖД баспасөз қызметінен.

Жол апаты «Көкшетау-Омбы» тас жолының Зеренді ауданы аумағы арқылы өтетін 374 шақырымында орын алған. Бұл жерде «Тойота-Карина Е» мен «ВАЗ-2107» жеңіл көліктері соқтығысқан. Осының салдарынан соңғы көліктің жүргізушісі 1936 жылғы О.Әбделманов оқиға орнында көз жұмды. Ал «Тойота-Карина Е» көлігін тізгіндеген 25 жасар қыз түрлі дене жарақаттарымен Ақмола облыстық ауруханасына жеткізілді.