Ақмолалық «Агрофаки» КТК командасы «Волгадағы FEST» фестивалінде жеңімпаз атанды

КӨКШЕТАУ. ҚазАқпарат - Ақмола облысының «Агрофаки» КТК командасы «Волгадағы FEST» жазғы музыкалық фестивалінің жеңімпазы атанды, деп хабарлайды ҚазАқпарат тілшісі.

Облыстық ішкі саясат басқармасының мəліметі бойынша фестиваль Ресейдің Саратов облысының Энгельс қаласында тамыздың 26-30 күндері аралығында өтті.

Жерлестеріміз аталмыш фестивальге тұңғыш рет қатысып отыр. Жарысқа ақмолалықтармен бірге Ресейдің əр өңірінен келген 9 КТК командасы қатысып, бақ сынады. Қазылар алқасының сапында Астрахан облысының «Камызяки» командасы сапында болған Ренат Мухамбаев жəне Самара облысының «Сок» командасының мүшесі Дмитрий Колчин сияқты тəжірибелі әзілкештер болғанын айта кеткен жөн.