Ақордада Қазақстан мен Беларусь Президенттері бірлескен мәлімдемеге қол қойды

АСТАНА. 4 қазан. ҚазАқпарат - Бүгін Ақордада Қазақстан мен Беларусь Президенттері Нұрсұлтан Назарбаев пен Александр Лукашенко бірлескен мәлімдемеге қол қойды.

Сондай-ақ, Қазақстан Республикасы мен Беларусь Республикасы арасында Қазақстан азаматтарының Беларусь аумағына және Беларусь азаматтарының Қазақстан Республикасы аумағына келу тәртібі туралы келісімге, Қазақстан Республикасы мен Беларусь Республикасы арасындағы 2009-2016 жылдарға арналған экономикалық ынтымақтастық бағдарламасын іске асыру жөніндегі 2014-2016 жылдарға арналған бірлескен іс-шаралар жоспарына, ҚР Президенті жанындағы мемлекеттік басқару академиясы мен Беларусь Президенті жанындағы Басқару академиясы арасындағы келісімге қол қойылды.