Ақпараттық-насихаттау топтары Шығыс Қазақстанның ауылдарында Елбасы Жолдауын түсіндіруге кірісті

СЕМЕЙ. Ақпанның 12-сі. ҚазАқпарат /Лина Славина/ - Шығыс Қазақстанның Бородулиха ауданында 14 аудандық және 33 селолық ақпараттық-насихаттау тобы Елбасының «Жаңа онжылдық - жаңа экономикалық өркендеу - Қазақстанның жаңа мүмкіндіктері» атты Қазақстан халқына Жолдауын түсіндіру жұмыстарына кірісті.

Аудандық ішкі саясат бөлімінен хабарлағандай, аталмыш топтардың селолық округтерге, аудан ұйымдары мен мекемелеріне сапарларының кестесі бекітілді. Сондай-ақ, жастардың ақпараттық-насихаттау топтарын құру жұмыстары жүргізіліп, саяси ақпараттандырушылар желісін құру жоспарлануда.