АҚШ Елшісі Қазақстан халқына көңіл айтты
АСТАНА. ҚазАқпарат -Америка Құрама Штаттарының Қазақстан Республикасындағы Төтенше және өкілетті елшісі Джордж Крол Елшіліктің ресми сайты арқылы Қазақстан халқына көңіл айтты.
«Бұл күні Америка Қазақстанмен бірге, елдің қайғысына ортақ», - деді Қазақстандағы Америка Құрама Штаттарының Елшісі Джордж А. Крол өз сөзінде.
«Қазақстандағы Америка Құрама Штаттарының миссиясы мен Америка халқының атынан Қазақстан халқына, әсіресе 2016 жылдың 5 маусымында Ақтөбе қаласында қаза тапқан мағынасыз шабуылдың құрбандарының отбасыларына көңіл айтқым келеді. Мұндай зорлық-зомбылық дін мен ұлтты таңдамайды, бірақ бүкіл адамзатқа қарсы болып есептеледі. Бүкіл әлем Қазақстанның халқымен бірге қайғыны бөлісіп, мұндай зомбылық әрекеттерді алдын ала болдырмау әрекеттеріне қосылады», - делінген Елшінің көңіл айту хабарламасында.
Еске сала кетсек, бүгін, 2016 жылдың 9 маусымында Қазақстанда жалпыұлттық аза тұту күні жарияланды. Бүкіл ел бойынша көңіл көтеретін шаралар тоқтатылып, БАҚ көңіл көтеру материалдарынан бас тартты.
