АҚШ есірткі контрабандасымен айыпталған кемеге шабуыл жасады
АСТАНА.KAZINFORM - АҚШ әскерилері Тынық мұхитының шығысында есірткі контрабандасымен айыпталған кемеге шабуыл жасады. Салдарынан үш адам қаза тапты, деп хабарлайды CBS News.
Қыркүйектің басында Трамп әкімшілігі «есірткі террористеріне» қарсы соғыс бастағаннан бері АҚШ әскери күштерінің Тынық мұхиты шығысындағы және Кариб теңізіндегі кемелерге жасаған шабуылдарында қаза тапқандардың жалпы саны кемінде 211-ге жетті.
Әскерилердің мәліметінше, кеме «белгілі террористік ұйымдарға» тиесілі болған. Алайда нақты банданың аты аталмаған және кеменің есірткі тасымалдағаны туралы ешқандай дәлел келтірілмеген.
Президент Дональд Трамп АҚШ-ты Латын Америкасындағы картельдермен «қарулы қақтығыс» жағдайында деп жариялады және әуе шабуылдарын АҚШ есірткі ағынын тоқтату үшін қажет деп ақтады.
Сыншылар кемеге жасалған шабуылдардың заңдылығына күмән келтірді.
Бұған дейін Пентагон есірткі тасымалдады деген күдікке ілінген кемелерге АҚШ шабуылдарын тергеп жатқаны хабарланған болатын.
