АҚШ пен Иран арасындағы келіссөздер Швейцарияда өтіп жатыр — БАҚ
АСТАНА. KAZINFORM — Иран делегациясы Швейцарияда АҚШ-пен келіссөз жүргізіп жатыр. Бұл туралы ресейлік ТАСС хабарлады.
Axios мәліметінше, Иран делегациясы консультация өтетін жерден кеткен жоқ және келіссөздер әлі жүріп жатыр. Бұл туралы америкалық Axios порталы мен Израильдің 12-арнасының тілшісі Barak Ravid дипломатиялық дереккөзге сілтеме жасап, Х әлеуметтік желісінде жазды.
-Швейцариядағы келіссөздерге қатысып отырған дипломаттың айтуынша, Иран делегациясы кетпеген және АҚШ пен Иран арасындағы келіссөздер жалғасып жатыр, — деп жазды ол.
Бұған дейін Al Alam телеарнасы Иран өкілдері америкалық-ирандық меморандум бойынша келіссөздерден шығып кетті деп хабарлаған еді.
Ақпаратқа сәйкес, бұған АҚШ президенті Дональд Трамптың ислам республикасына қарсы қайта соққылар жасалуы мүмкін деген мәлімдемесі себеп болған.
Айта кетейік, бұған дейін АҚШ пен Иран арасындағы тікелей келіссөздер 21 маусым, жексенбі күні Швейцарияда басталатыны хабарланған еді.
Бұл келіссөздер Иран әскери күштерінің Израильдің Ливанның оңтүстігіне жасаған шабуылдарына байланысты Ормуз бұғазын жабу мүмкіндігіне байланысты мәлімдемелер аясында өтіп жатыр.
