АҚШ пен Жапония КХДР-ға қатысты мәселені талқылады

АСТАНА. ҚазАқпарат - АҚШ президенті Дональд Трамп пен Жапонияның премьер-министрі Синдзо Абэ КХДР жақында ұшырған зымыранына қатысты мәселені талқылады. Бұл туралы ТАСС хабарлайды.

Әңгіме барысында АҚШ, Жапония, Оңтүстік Корея тарапынан КХДР-на қысымды күшейтуді жалғастыра беруге уағдаласты.

КОТА агенттігінің деректеріне қарағанда, өткен жұма күні КХДР «Хвасон-14» баллистикалық зымыранды сәтті ұшырды. Зымыранның ұшу ұзақтығы 998 шақырымды құрағандығы айтылды.