АҚШ соты J&J компаниясын обыр дертіне шалдыққан әйелге $110 миллион төлеуді міндеттеді

АСТАНА. ҚазАқпарат - Johnson & Johnson  өнімін пайдаланғандықтан обыр дертіне шалдыққан Вирджиния штатының тұрғыны өтемақы ретінде компаниядан 110 миллион доллар алады, деп хабарлады Рейтер.

Бұл шешімді америкалық Сент-Луис соты қабылдады.  Әйел 40 жыл бойы J&J  шығарған опаны күн сайын пайдаланып келген. 

  2012 жылы әйелден аналық безі обырын анықтаған. Кейіннен бауырға тараған. Қазір ол химия терапия алып жүр.

Компания әйелдің жазылуына тілектестік білдіріп, соттың шешіміне шағымданатынын, J&J опасының қауіпсіз екенін айтуда.