АҚШ-та 50 адамды атқан қылмыскер ірі күзет компаниясында жұмыс істеген

None
None
АСТАНА. ҚазАқпарат - Американың Орландо қаласындағы түнгі гей-клубта 50 адамды атып тастаған Омар Матин 2007 жылдан бері әлемдегі ірі G4S жеке күзет компаниясында жұмыс істеген, деп хабарлайды Би-Би-Си агенттігі.

«Орландо түнгі клубындағы қайғылы жағдайға сене алар емеспіз. 2007 жылдың 10 қыркүйегінен бастап Омар Матин G4S компаниясында жұмыс істегенін растаймыз. Біз құқық қорғау органдарымен, соның ішінде ФТБ-мен ынтымақтастық орнатқанбыз», - делінген G4S компаниясының ресми Туиттердегі аккаунтында жарияланған компанияның солтүстікамерикалық құрылымының басшысы Джон Кеннингтің мәлімдемесінде.

Еске сала кетсек, Орландодағы Pulse түнгі гей-клубында болған атыс салдарынан 50 адам қаза тауып, тағы 53 адам жарақат алды. Шабуыл жасаған - 29 жастағы ауғандық қазіргі АҚШ азаматы Омар Матин. Ол оқиға орнына жеткен арнайы қызметкерлермен атыста көз жұмды. 

Соңғы жаңалықтар