АҚШ-та сырықпен секіруші жаттығу кезінде мерт болды

АСТАНА. Қыркүйектің 9-ы. ҚазАқпарат - 19 жасар сырықпен секіруші Леон Роач San Diego's La Jolla калифорниялық университет қалашығының стадионында жаттығу кезінде мерт болды,

деп хабарлайды ҚазАқпарат Newsru.com. сайтына сілтеме жасап.

 Секіруді сәтсіз орындаған ол жерге табан тіреу кезінде қалың төсенішке дәл түсе алмаған және бетон жабынға шүйдесімен соғып, есін жимаған күйі көз жұмған.

АҚШ-та сырықпен секіру спорттың ең қатерлі түріне жатады. Статистика бойынша ол жылына бір жеңіл атлеттің түбіне жетеді. Травмотологиялық қауіптің осындай деңгейі мотожарыстарда да кездеседі.