АҚШ-та тасқын салдарынан 28 адам қаза тапты

АСТАНА. ҚазАқпарат - Американың Техас және Оклахома штаттарында су тасқыны салдарынан қаза тапқан адамдардың саны 28-ге жетті. Бұған дейін ажал құшқан 23 адам туралы хабарланған болатын.

Сондай-ақ 15 адам із-түссіз жоғалған, деп хабарлайды РИА Новости. Техастың оңтүстік-шығысындағы Уортон қалашығында Колорадо өзеніндегі су деңгейінің көтерілуі салдарынан сақтық мақсатында шамамен 300-ге жуық үйдің тұрғындары қауіпсіз жерге көшірілген. Таяу сағаттарда өзендегі су деңгейі он метрден астам көтеріледі.

Нөсер әлі бірнеше аптаға жалғасуы мүмкін. Табиғи апат салдарынан келтірілген шығын сағат сайын көбейіп келеді.