АҚШ-тан депортацияланған мигранттар мінген алғашқы рейс Венесуэлаға қонды
АСТАНА. KAZINFORM – АҚШ-тан депортацияланған 199 мигрант мінген алғашқы ұшақ Венесуэла оларды қабылдауға келісім бергеннен кейін елге қонды, деп хабарлайды Euronews.
Ұшақ бүгін таңертең Каракастың солтүстігіндегі басты халықаралық әуежай Майкетияға қонды. Венесуэланың АҚШ-пен дипломатиялық қарым-қатынасы жоқ: мигранттар мінген ұшақ Техастағы әскери базадан көтеріліп, Гондурасқа жетті, сол жерден басқа ұшақпен Венесуэлаға ұшты.
- Бұл адамдардың Құрама Штаттарда қалуына заңды негіз болған жоқ. Біз болашақта Венесуэлаға депортациялау рейстерінің тұрақты ағынын көреміз деп күтеміз. Гондурас президенті Кастро мен оның үкіметіне заңсыз көші-қонмен күрестегі ынтымақтастығы үшін алғыс айтамыз, - деп мәлімдеді АҚШ-тың Батыс жарты шар істері жөніндегі бюросы.
Өткен аптада Венесуэла президенті Николас Мадуро мен АҚШ президенті Дональд Трамп мигранттарды депортациялау туралы келісімге келген.
Бұған дейін Венесуэла репатриациялық рейстердің кезекті легін қабылдайтынын жазған болатынбыз.
Еске сала кетсек, федералды судья Трамп әкімшілігіне бес венесуэлалық азаматты депортациялау үшін 18 ғасыр заңын қолдануға тыйым салды.
