АҚШ-тың білім беру жүйесі хакерлік шабуылға ұшырады
АСТАНА. KAZINFORM — АҚШ бойынша жоғарғы және орта білім беру мекемелері ауқымды кибершабуылдан кейін уақытша қызметін тоқтатуға мәжбүр болды. Бұл сабақ кестелері мен емтихан өткізу тәртібіне кедергі келтірді, деп хабарлайды Kazinform агенттігінің Вашингтондағы меншікті тілшісі NBC News ақпараттарына сілтеме жасап.
Юта штатындағы Instructure компаниясы, Canvas платформасын басқаратын, бұзушылықтың салдарын шектеу үшін «жедел шаралар» қолданғанын және кейін құқық қорғау органдарына жүгінгенін мәлімдеді.
Canvas цифрлық инфрақұрылымын балалар бақшасынан бастап Лиганың университеттеріне дейін 30 миллионнан астам белсенді қолданушы пайдаланады.
Мұғалімдер платформаны оқу материалдарын жүктеу, студенттермен қарым-қатынас жасау және бағаларды қою үшін қолданады. Студенттер платформаны қажетті оқу материалдарын қарап шығу, жүктеу, тапсырмаларды орындау және аяқталған жұмыстарын тапсыру үшін пайдаланады.
ShinyHunters хакерлік тобы жексенбі күні жариялаған мәлімдемесінде АҚШ бойынша 9 мың оқу орнынан Canvas жүйесіндегі шамамен 6,65 терабайт деректерді алғанын хабарлады. Хакерлер егер талаптары сейсенбіге дейін орындалмаса, барлық ақпарат жарияланады деп қауіп төндіріп отыр.
Осы оқиға америкалықтар үшін орталықтандырылған цифрлық қызметтердің ыңғайлылығына қауіпсіздік тәуекелдерімен бірге келетіні жайлы ой тудырды.
— Біздің барлық қаржы жүйеміз осал, электр желілеріміз осал, әсіресе кибершабуылдар барған сайын күрделеніп келе жатқанда. Олар шын мәнінде көптеген мәселелер тудыруы мүмкін және шабуыл жасау мақсатында пайдаланылуы ықтимал, — дейді Айова университетінің саяси ғылым профессоры Сара Митчелл.
Еске сала кетсек, бұған дейін хакерлер Instagram қолданушыларының 17,5 миллион деректерін ұрлағаны хабарланған болатын.
Ал Booking.com-ға жасалған кибершабуылдан кейін «брондауды бұзу» арқылы жасалатын алаяқтық схемалардың көбейгенін байқалған. Алаяқтар ұрланған деректерді қолданушылардан ақша бопсалау үшін пайдаланады.
