АҚШ вице-президентінің ұлы қайтыс болды

АСТАНА. ҚазАқпарат - АҚШ вице-президенті Джо Байденнің Бо есімді ұлы 47 жасқа қараған шағында қайтыс болды. Ол обырдан көз жұмған.

Ол Walter Reed Army медициналық орталығында емделген. Бо Байден Дэлавер штатының бас прокуроры қызметін атқарды, одан кейін Grant & Eisenhofer заң фирмасында жұмыс істеген. Ұлттық гвардия капитаны ретінде бір жыл Иракта жүрген, деп жазады РБК.

Өткен жылы Бо Байденге онкологиялық ауруханада ота жасаған, бұған дейін бірнеше жыл бұрын ол инсультқа шалдыққан еді.