Ақтау Біріккен Араб Әмірліктерінен контрабандалық жолмен келген электроника мен көліктердің қосалқы бөлшектерін анықтады
АҚТАУ. 14 ақпан. ҚазАқпарат - Ақтауда контрабандалық тауар анықталды. Маңғыстау облысы бойынша кеден бақылау департаменті контрабандамен күрес басқармасының қызметкерлері жүргізген жедел-іздестіру шарасының барысында Біріккен Араб Әмірліктерінен Оңтүстік Қазақстан облысына тасымалданған тауарды анықтап, оның жолын кесті.
«Тауарды белгілеу құжаттарында көліктердің доңғалақтары, құрал-саймандары, жиһаз, ыдыс-аяқ, мата және аяқ-киім сияқты тауарлар болған. Тексеру барысында декларацияланбаған ірі мөлшерде тауарлар анықталды. бұл факті бойынша қосымша тексеру амалдары жүргізілуде», - деді Маңғыстау облысы бойынша КБД ұйымдастыру және кадр жұмысы басқармасының басшысы Мақсат Ақмұратов.
