Ақтауда аралас жекпе-жектен өтіп жатқан турнирді қазақстандықтар жеңіспен бастады

АҚТАУ. ҚазАқпарат – Ақтауда Eagle FC 48 & Naiza FC 41 жарысы басталды, деп хабарлайды ҚазАқпарат Sports.kz сайтына сілтеме жасап.

Бірінші кездесуді қазақстандық файтер Мейірбек Төлегенов (3-1) пен әзербайжандық Джейхун Годжали (0-1) бастады. Жеңіл салмақтағы бұл кездесу үш раундқа есептелген болатын.

Жекпе-жек қорытындысы бойынша Төлегенов қарсыласын бірінші раундта ауырту әдісімен жеңді. Годжали төрешінің жекпе-жекті тоқтатуына қарсы болды. Дегенмен Мейірбек Төлегенов өзінің кәсіби мансабында 4-ші рет жеңіске жетті. Ал Джейхун Годжали төртінші рет жеңілді.

Eagle FC 48 & Naiza FC 41 турнирініңң хедлайнерлері қазақстандық Даурен Ермеков (16-5) пен ресейлік Гамзат Хирамагомедов (10-1) болады. Олар EFC-дің орта салмақтағы уақытша чемпионы атағына таласады.