Ақтауда «Тарақан» құралы алғаш рет сыналды
АҚТАУ. 9 тамыз. ҚазАқпарат - Бүгін, 9 тамыз күні Ақтау қаласындағы «Каспий жылу, су арнасы» МКК-ның мамандары борышкерлермен күрес жүргізуге арналған «Тарақан» құралын сынап көрді.
«Тарақан» - бағасы 2,5 млн. теңгені құрайтын украиналық ғалымдардың ойлап тапқан құралы. Қызметінің басқа бағыттарынан басқа кәсіпорын қаладағы суды бұруды қаржыландырып, жөндеуден өткізумен айналысады.
Бұл кәріз құбырына арнайы түсірілетін құрал. Бейнетаспа борышкердің пәтерін тапқан кезде, шеберлер оған ерекше бітеуіш орнатады. Бейнетаспа құралға монтаждалған, оның көмегімен су бұруды шектейді.
Ақтау тұрғындары 100 млн-нан астам теңге қарыз болған кәсіпорын «Тарақанды» жаздың басында сатып алды. Сәйкестендірілген ақпараттық науқан өткізілгеннен кейін ғана оны тәжірибе жүзінде қолданды. Кәріз бітеуіштері облыс орталығындағы бесінші шағын ауданда орналасқан үйлердің бірнеше пәтеріне орнатылды.
Бұл пәтерлердің иелері кәсіпорынға 146 мыңнан 53 мың теңгеге дейін қарыз. Енді олардың тұрғындары кәрізді қолдана алмайды, ал бітеуіштерді тек қарызды толық өтегеннен кейін ғана шешу мүмкін. Олардың көршілеріне зиян келтірілмейді.
«Бұл бітеуіштерді өз бетімен шешу өте қиын. Бірақ тұрғындар оны істемекші болса да, сот тәртібінде олардан қарыздың сомасы ғана емес, бітеуішті ауыстыру бойынша материалдық шығын сомасы да төлетіледі», - деп түсіндірді жоғарыда аталған МКК-ның заңгері Жанаргүл Бөкембаева.
