Ақтаулық полицейлердің дрифті: ІІД тексеріс нәтижелерін жариялады
АСТАНА. ҚазАқпарат - Ақтауда электромобильмен әртүрлі маневрлар жасап, көңіл көтерген полицейлер жұмыстарынан қуылды. Маңғыстау облыстық Ішкі істер департаменті қызметтік тексеріс нәтижелерін жариялады, деп хабарлайды ҚазАқпарат Лада.кз сайтына сілтеме жасап.
«Қызметтік тексеріс нәтижесі бойынша екі полиция қызметкері тәртіптік жазаға тартылып, жұмыстарынан босатылды», - мәлім етті Маңғыстау облыстық ІІД-нің баспасөз қызметінен.
Еске салайық, әлеуметтік желіде қос полицейдің су жағасында қызметтік электромобильмен дрифт жасап жүрген видеосы жарияланған еді.
Мән-жайды анықтау үшін қызметтік тексеру жүргізілген болатын.
