Ақтөбе облысында анасын өлтірген әйел ақыл-есі кем деп танылды
АҚТӨБЕ. 31 қазан. ҚазАқпарат - 2013 жылдың тамыз айында Хромтау ауданы Қопа кентінің тұрғыны ұрыс-керіс барысында кеуде тұсына пышақ жарасын салып, өз анасын өлтіріп алған. Қария алынған жарақаттардан Хромтау қаласы орталық аудандық ауруханасында көз жұмды.
Ақтөбе облысы бойынша қылмыстық істер жөніндегі мамандандырылған ауданаралық сот ҚР ҚК 96-бабы бойынша айып тағылған әйелді ақыл-есі кем болуына байланысты қылмыстық жауапкершіліктен босатты.
Қылмыстық іс өндірісі тоқтатылды. ҚР ҚК 90-бабы 1-бөлімі «г» тармағына сәйкес оған күшейтілген қадағалаумен мамандандырылған психиатриялық стационарда мәжбүрлі емделу шаралары тағайындалды. Үкім өз күшіне енген жоқ және сот үкімін бұздыру туралы шағым берілуі мүмкін.
