Ақтөбе облысында екі ауыл әкімі қызметінен босатылды
АҚТӨБЕ. ҚазАқпарат - ҚР Мемлекеттік қызмет істері Агенттігі департаментінің тәртіптік кеңес отырысының қорытындысы бойынша екі ауылдың әкімі қызметінен босатылды.
Ар-намыс Кодексін бұзғаны үшін Қобда ауданы Қызылжар селолық округінің әкімі А. Нәкешке қатаң сөгіс жариялау ұсынылды.
Шенеунік еңбекпен қамтылу мәселесі бойынша оның қабылдауына келген ауыл тұрғыны, 3-топтағы мүгедек Н.Ботбаевпен арада дау тууына жол берген.
2015 жылы 3 қарашада Жаңаталап ауданы Жаңаталап селолық округінің әкімі С.Р. Жұмақұлов мас күйінде еш себепсіз селолық округі әкімі аппаратының техникалық жұмысшысы Ж.У Әділованы балағаттаған.
2 желтоқсанда Қобда ауданы әкімінің өкімімен А. Нәкеш пен С.Жұмақұлов қызметінен босатылды.
Облыс әкімінің баспасөз қызметінен хабарлағандай, 8 желтоқсанда облыс әкімінің өкімімен қызметтік міндетін абыроймен атқара алмағандықтан Темір ауданының әкімі Б.Қаниевке қатаң сөгіс жарияланғаны жөнінде хабарлады.
