Ақтөбеде әскери бөлімнен рұқсатсыз кетіп қалған сарбаз табылды

АСТАНА. ҚазАқпарат - Ақтөбеде мерзімді қызметтегі әскери қызметкер әскери бөлім аумағынан рұқсатсыз шығып кетіп, үш сағаттан кейін қаладан табылды.

«Қазір қатардағы сарбаз В.Кузнецов бөлімшеде. Бөлім басшылығы болған оқиға жайлы оның ата-анасына хабарлады. Олар Ақтөбеге келіп, баласымен қауышты», - деп хабарлады ҚР Ұлттық гвардияның баспасөз қызметінен. Аталмыш факті бойынша қызметтік тергеу тағайындалып, оқиғаның мән-жайы анықталуда. Қатардағы сарбаз В.Кузнецовтың әкесі баласының жиі хабарласып тұратынын, ешқандай өз борышын өтеу барысы туралы еш шағым айтпағанын айтты. Алдын ала тексеру бойынша жарғыны бұзу жайттары анықталмады.