Ақтөбеде Атырау облысының бұрынғы әкімінің әкесі Сәулебай Рысқалиев өмірден озды

АТЫРАУ. 9 қазан. ҚазАқпарат - Ақтөбеде Атырау облысының бұрынғы әкімі Бергей Рысқалиевтың әкесі Сәулебай Рысқалиев дүниеден өтті.

Сәулебай Рысқалиев Атырау облысының Қызылқоға ауданында туған, өмірінің көп бөлігін Мақат ауданында мұнай саласына арнады. Ұзақ жылдар бойы оператор, одан кейін «Мақатмұнай» МГӨБ («ЕмбіМұнайГаз» құрылымдық бөлімі) шебер болып істеді.

Сәулебай Рысқалиев өмірден 78 жасқа қараған шағында қайтты. Атырау облысының бұрынғы әкімі Бергей Рысқалиевтен басқа жұбайы Мәдениет екеуі экс-мәжілісмен Аманжан Рысқалиді және тағы бір ұл мен қызды тәрбиелеп, өсірді.