Ақтөбеде бір азамат құны 1 300 000 теңгелік уылдырықпен ұсталды - ҚР ҰҚК
АСТАНА. ҚазАқпарат - Ақтөбе шекара отрядына қарасты «Ақтөбе-авиациялық» бақылау-өткізу бекетінің бақылаушылары «Мәскеу-Ақтөбе» бағытымен келген әуе рейсіне шекаралық бақылау өткізу кезінде салмағы 9 келі болатын уылдырықты заңсыз алып өтуге тырысқан 58-жастағы Қазақстан азаматын ұстады.
Уылдырықтың жалпы құны 1 300 000 теңгені құрайды.
Аталған дерек бойынша материалдар Ақтөбе қаласының көліктегі ішкі істер департаментіне берілді, деп хабарлайды ҚР ҰҚК ШҚ баспасөз қызметі.
