Ақтөбеде Жаңа жыл қарсаңындағы іс-шаралар өтуде

АҚТӨБЕ. Желтоқсанның 23-і. ҚазАқпарат /Самал Ендібаева/ - Ақтөбеде қаланы мерекелік безендіру, жаңажылдық шыршаларды орнату, көшелерді, даңғылдарды, үйлердің қасбеттері мен сөрелерді әрлендіру және жарықпен безендіру іс-шаралары аяқталуда.

Жаңа жылды мерекелеу жоспары туралы бүгін Ақтөбе қаласы әкімінің орынбасары Сәния Қалдығұлова әңгімелеп берді.

Мереке және мереке қарсаңындағы күндері түрлі мәдени-бұқаралық, әлеуметтік маңызды және спорттық іс-шаралар өткізу көзделген.

Желтоқсанның 25-інде қалада жетім балаларға, мүгедек балаларға, әл-ауқаты төмен отбасылардан шыққан балаларға арналған Президенттік шырша өтеді. Қала әкімінің «Әсем шырша шақырады» атты жетім балаларға арналған шыршасы «Мега» сауда ойын-сауық кешенінде өтеді. Қала әкімінің «Қыс ертегісі» атты мүмкіндіктері шектеулі балаларға арналған шыршасы қалалық Оқушылар сарайында өтеді.